فجأه وبدون سابق انذار هذا الاختناق بدأ يعاود اللحاق
يزداد ولا يريد التوقف يخنقنى يحولنى الى اشلاء
لا راحه لى بعد الان فانا اعرف هذا الشعور
يبدأ هكذا ولا ينتهى الا بقبضه الارواح
والدنيا امامى تهتز لاارى شئ ولا اعرف احد
صار الامر اكثر مللا ان احيا دربى دون هدف
لا اشعر برغبه فى الكتابه ولكن القلم هو مايقودنى
اريد الخروج من هذه الحاله وققد خاننى الورق والقلم
فقد عاهدونى ان يكونا معى ولا يفارقونى ابدا
قد عاهدونى على تحملى واخراجى من الضيق للفرج
قد عاهدونى وخلفو وما ظننتهم يخالفون
لقد غادرت الدنيا قبل ان اعرف انى مغادره
غادرتها حين نظرت فلم اجد لى امل
حين بدأت السير فسقط بلا هدف
حين وجدت العمر قد سار وانا اقف
هناك 16 تعليقًا:
يا الله
هو كل ماحد يكون متفائل يرجع يكتئب
والله حرام
علشان خاطري خليكي متفائله
لسه صغيره على التشاؤم
بلاش تدخلي النفق ده صدقيني
وربنا معاكي
فضفضي وابكي بس اكتر من كده بلاش
ربنا معاكى ومعنا
إيه يادودو .. ليه كده بس .. انتي لسه قايلالي ابتسمي .. شكلك كده اتعديتي لما جيتي مدونتي .. لا ياستي كده مش هاينفع .. تقوليلي ابتسمي وتقعدي انتي تتخنقي لوحدك ولا ايه ؟ طيب والله لو ما ابتسمتي هاروح اكتئب تاني .. يانضحك سوا يانكتئب سوا ..
بجد يادينا مش عاوزاكي تقلقي .. الحاله دي بتمر بالناس كتير أوي بس أحب أطمنك انها حاجه بسيطه وهاتعدي بإذن الله .. ماتخافيش .. جايز تغيير الفصول والجو ده هوا اللي خلاكي تحسي كده . انا مريت بالموقف ده قبل كده وكان أصعب من إني أمسك ورقه وقلم ..
ماتخوفيش نفسك وحاولي تخرجي بسرعة من المووود ده ..
عدي عليا في المدونة يمكن تلاقي حاجه تعديكي تاني وتبتسمي .. جايز .. هاستناكي يادودو ..
سلام
lyssandra
خايف من الحقيقه
والله مش اكتئاب بس هى حالات كده طارئه
بس بجد انا من النوع المتفأل جدا
وشكرا للنصيحه ولا للاكتئاب
احمد الجيزاوى
يارب يسمع منك
lyssandra
حبيبتى انتى قلتى انها حالات كده بنمر بينا وهى خلاص عدت بعد وجودك عندى
ولازم نمر بحالات من اللاامل
لنعرف قيمه الامل والتفائل
دينا
الواحد طبعا مش كل اوقاته بتبقى سعيده واكيد بييجي عليه حالات بيبقى حاسس انه مخنوق ومتدايق ولازم الواحد يحاول يخرج نفسه منها على قد مايقدر وجميل جدا انك تكتبى وتخرجى كل اللى جواكي...
مستنيكي البوست الجاي لما تقوليلنا انك خرجتى من المود ده :)
mabioon
عندك حق
فعلا سعات الواحد بيتخنق ومش بيبقى عارف ايه سبب
انا عن نفسى لما بضايق اكتر حاجه بتطلعنى من المود ده هى الكتابه
لكن لما كمان مبقدرش اكتب
بتبقى صاعبه اوى
والحمد لله عدت على خير
إستمتعت بكتابتك الجميلة وعقلك الساحر
تحياتى لك
Mahmoud(WHYME)
شكرا ليك على تشجيعك
وربنا يخليك على كلامك الجميل
كلاماتك حلوه اووووي يادينا دي اول زياره ليا بس اكيد مش الاخيره :)
احيانا بحس اني الورقه والقلم بيريحوني اكتر من اي حاجه تانيه يمكن عشان بكون وقتها مش محتاجه حد يرد عليه بكون اكتر محتاجه اني نفسي هي اللي تتكلم وترد عليه
بوست جميل اوووي :)
ليه كدة فى ايه
ازاى تعيشى من غير امل
الحياة من غير امل جحيم يادينا
خليكى على ثقة بالله
ايه يا قمر ؟
ليه كده ؟
ينفع كده؟
حد لما يكون زعلان يكتب الكلام الحلو ده
طب لو فرحانه حتعملي فينا ايه
كلماتك معبره بشكل مخيف ومختارة كام كلمه كده بيوجعو القلب
بس انا حجري احسن خلاص اثرت في ولازم اهرب من المود
همسه
eno
حبيبتى شكرا ليكى يقمر
وعندك حق كتير الورقه والقلم هما اللى بنلجألهم لانهم اصدق من يفتونا
مدحت محمد
ونعم بالله
اكيد اللى معيشنا هو ثقتنا بالله
هو ده اللى بيصبر الواحد
احلى همسه
ربنا يخليكى يقمر
وخلاص انا كمان ههرب من المود ده
خدينى معاكى
إرسال تعليق