الاثنين، 17 مارس 2008

هل احب

قديما قالو لا تبحث عن الحب
فهو سيأتيك من حيث لاتدرى
سيطرق بابك ويقف امامك
وحين تراه ستشعر انك قبله لم تحب
وبعده لن تذوق طعم ولن ترى لون

وفجأه تشعر بهذا
وتقول اصبحت اخيرا احب
ووجدت لقلبى رفبق درب
لكن يأتى السؤال الذى يأبى راحه البال
هل هذا هو الحبيب المنتظر
هل هوحب ام مجرد رغبه فى الحب
هل هو تعود ام نوع من الامان
وان تأكدت من شعورى هل هو كذلك
ام انه ام كما يقولون الحب كلام افلام
لا وجود له حتى وان كان

اه تعبت من هذا الصراخ بداخلى
فالحب كما قالوا متعب بكل الاحوال

هناك 14 تعليقًا:

خايف من الحقيقة يقول...

اول تعليق
بصراحة كده اوعي تدوري ابدا على الحب عارفة ليه
لانك لو دورتي عليه هتلاقية بس المشكلة انك هتلاقيه لانك دورتي مش لانه اتوجد صح في المكان الصح والزمان الصح والظروف الصح
نصيحتي استعدي ليه واستنيه بس متدوريش عليه وصدقيني هو جاي جاي

dina seliman يقول...

خايف من الحقيقه
شكرا لنصيحتك الغاليه
ووجودك الجميل

الأستاذ يقول...

وزي م قال خايف من الحقيقة
الحب مش إحنا اللي بنلاقيه هو اللي بيلاقينا
دايماً بندور عليه آه لكن واحنا مستنيين لأننا لو روحناله ممكن يكسفنا ونتصدم
وكما قال نزار
الحب في الأرض بعض من تخيلنا
إن لم نجده عليها لاخترعناه
تحياتي

dina seliman يقول...

الاستاذ
يس لما الحب يلقينا نعرف منين انه ده الحب
وانه مش مجرد تعود او احساس بالامان

mabioon يقول...

عايزه تعرفى اذا كان ده حب ولا تعود واحساس بالامان؟؟
حاجات كتيره اوي يا دينا تقدري تعرفى عن طريقها انا هقولك عن نفسي لما بكون رايح اقابل بسمه بحس ان اليوم ده عيد بالنسبالى ومش ببقى عايز اسمع صوت حد غيرها ولما بعد معاها بحس انى مش قادر اتنفس وانى عايز افضل باصصلها على طول من غير ما اتكلم ده غير انى بكون طول الوقت بفكر فيها انا معرفش كل الناس كده ولا انا بس...
بس ياريت تعليقي يكون فيه افاده ليكي :)

dina seliman يقول...

mabioon
جميل وصفك للحب
بس تفتكر ليه الحب مبيدمش ومبيفضلش كده على طول

كلية السياحة والفنادق يقول...

عرفت معنى جديد للحب عن طريقك
وكالعادة أتحفتينى بإسلوبك المنفرد
تحياتى لك
محمود

dina seliman يقول...

محمود
شكرا لك
اسعدنى وجودك وتعليقك
جزاك الله كل خير

Lyssandra يقول...

هل هو حب ام مجرد رغبه فى الحب ؟؟؟؟؟؟

علامات استفهام كتير أوي يادينا بجد .. لأن الواحد لو بيملك طاقه كبيرة مش قادر يوجهها .. أقصد أنه قادر يحب كل شئ .. لو قابله مرة حب بيفضل يفكر ياتري هوا ده حب ولا رغبه في الحب ؟ ولأنه محتاج يحب فعلا .. ممكن يتغاضي عن حاجات كتير أوي بتقولـّه مكانك .. مش هوا ده .. ده مش صح .

انا مش عارفه ازاي نقدر نعرف اذا كان حب ولا لأ .. بس بعد شوية كل شئ بيظهر .. الوقت لوحده كفيل انه يظهر الأشياء عل حقيقتها .. الوقت وحده كفيل انه يظهرلك وجوه ماكنتيش شايفاها .. بس الواحد بيتمني انه مايكونش دايما بعد فوات الأوان .. كمان التفكير في الأمر من كل الجوانب .. تقليب الأمر في العقل بحيث يكون له دور ومش مغيــّب .. لأنه كتيييييييييييير جدا العقل بيشوف حاجات القلب معمي عنها أو بيتجاهلها علشان مايضيعش الحب اللي هوا ممكن يكون بيتوهمه ..

المهم ان الواحد زي ما بيحكـّم قلبه كمان لازم يحكــّم عقله .. ويسيب الأمور للزمن .

طولت عليكي .. بس كنت بحاول أفكر معاكي .
تحياتي

lyssandra

dina seliman يقول...

lyssandra
حبيبتى عندك حق الوقت وحده كفيل بأظهار مشاعر حقيقيه

وزى مقلتى لازم نحكم عقلنا
شكرا لتفكيرك معايا

تــــ(حـنة)ــــر يقول...

الحب ؟؟؟؟
و الله احنا على طول عايشين بيه ..بس بندور على حاجات تانية
وهى دى اللى بتخلينا نقول مفيش حب
ياريت اكون مفهومه
تحياتى
تمر حنة

dina seliman يقول...

تمر حنه
نورتى المدونه
احنا فعلا عايشين بالحب ومنقدرش نعيش من غيره
بس احنا ممكن نفتقد فى حياتنا الصدق فى الحب

غــُرفة حبيبتي يقول...

بالفعل انت ِ وصفتِ المشاعر التي تخطر ببال أي انسان يصادف هذا الشعور لاول مرة

تحدثت ِ جيدا عن التساؤلات التي تطرح نفسها حينها ..

وانهيت ِ خطابك العذب .. بسؤال لم يزل هو السؤال الاهم في كل تجاربنا الكثيرة او اليتيمة ..

هل هو هذا الحبيب المنتظر .. ؟




دي اول مرة ازرو مدونتك ولكن


بالفعل سرني ما قرأت وما رأيت


تحية لقلمك المعطر

dina seliman يقول...

شكرا لك
جزاك الله خيرا
فما اصعب ان نقع فى دائره الشك
ووالخوف من سؤ الاختيار