لما على المرء ان يحيا غير حياته لما دائما يفكر فى خلق حياه مثاليه
يحاول الهروب من ذاته الابتعاد عن واقعه الى خيال غير قابل للتحقيق
انه يدرى هذا ويعلم ان خيالاته ليست سوى خيالات
لما لا يفكر ان يعيد فهم حياته
اصلاح ما بها معايشه واقعه بدلا من الهروب عاليا
دائما ما يدفعنا الخيال اما الى الجنون او الاستمرار فى الفشل
ان تسرح بخيالك
ان تطلق العنان لافكارك ليس خطأ
لكن ان تصير حياتك مجرد خيالات مجنونه لمجرد الهروب
لا فهذا هو الخطأ فلا تهرب من مشكله باخرى
حاول ان تعيش الواقع مهما كان مؤلم
فمهما كان لن يكون بألم افاقتك من خيال سعيد على وهم كبير
الخميس، 6 مارس 2008
الاشتراك في:
تعليقات الرسالة (Atom)
هناك 10 تعليقات:
بصراحة انا مش عارف اعلق اقول ايه على الكلام الكبير ده..
تعرفي انى فعلا ساعات كتير بهرب لعالم الخيالات من الواقع الاليم اللى احنا عايشينه ولما بصحى منه بتالم اكتر.
لكن هنعمل ايه لو مكانش الواحد يقدر يتخيل كان فيه ناس كتيره جدا انتحرت والله
تحياتى :)
mabioon
لا كلام كبير ولا حاجه محدش يقدر يعيش من غير ميتخيل ويسرح بتفكيره
والا هيكون غير مبدع
لكن لازم واحنا بنسرح نحدد
لو ده احلام قابله للتحقيق
يبقى نحاول نخليها تحقق
ولو حلم لمجرد هروب حاجه كده عشان النفسيه يبقى لازم نبقى عارفين انه خيال ومندهوش اكتر من حقه
لان ممكن الخيلات الكتيره مع عدم امكانيه تحقيقها تخلينا فعلا ننتحر
مش كده ولا ايه
اول مره ازورك وكلامك جميل ومعبر..بس رايى اننا لو بطلنا نحلم نموت ودى طبيعه بشريه فينا وجميل كمان انه ميكونش هروب كتير للخيال بعيدا عن الواقع عشان منقعش من سابع سما للارض..كنت كاتبه موضوع عن ده كمان منتظره زيارتك وتعليقك http://www.black-roses-candles.blogspot.com/
marool
شكرا لزيارتك
صحيح لو بطلنا نحلم نموت بس لازم يكون حلمنا مش مستحيل متوافق مع امكانياتنا علشان لو مقدرناش منتعقدش
ونبدأبحلم صغير لما يتحقق نحلم بالاكبر
خطوه خطوه نخطط لحياتنا احسن منقعد نهرب بخيالنا
هاي يادينا
أسعدتني زيارتك فعلا
مدونتك كمان لذيذه وأفكارك حلوه ..
بالنسبه لموضوع الاحلام والواقع انتي عندك حق .. المفروض الواحد يوازن بين عالم الواقع وعالم الخيال .. يعني الواحد المفروض يحلم بس مايخليش عالمه كله أحلام .. لأنه أكيد هايتصدم بالواقع ولما يفوق هايلاقي نفسه لسه مكانه والعالم كله ماشي ..
تحياتي
وارجو لك مزيدا من التوفيق
سلام
lyssandra
lyssandra
شكرا لزيارتك
وعندك حق المفروض الواحد يوازن بين عالم الواقع وعالم الخيال
دمتى بخير وسلامه
اصعب حاجة انى الانسان يعيش دايما فى الخيال لانه لازم يوم هيجى يتصدم بالواقع
ساعتها فعلا هينهار
ومش من البعيد يتجنن
لكن برضه احنا محتاجين لجزء من الخيال
والا مللنا الحياة
وماستطعنا ان نحياها
تحياتى
مدحت محمد
عندك حق لازم الانسان يحدد هو عايز ايه الاول يحدد اولوياته
ويخلى الاحلام تساعده مش تدمره
ساعات الواحد بيهرب من الحقيقة المؤلمة للخيال والاحلام وده مايضرش ده ساعات بيحافظ علي القوي العقلية
5المفقوعه مرارتها
مش فى كل وقت
سعات الخيال بيؤدى الى الجنون
إرسال تعليق