الجمعة، 24 أكتوبر، 2008

اين دمعى ؟؟



أما من احد هنا

هل من مجيب

الا يسمعنى احد

انا عن تلك البلاد غريب

ارجوكم اجيبونى

فانا مريض بداء عجيب

إن كان يسمعنى احد

فدلونى اين الطبيب

اشعر بنبض قلبى عند حلقى

لا يعود ولا ينطلق

اشعر بصوت عقلى يسد اذنى

وانفاسى تجعلنى اختنق

اريد البكاء ولادمع يأتى

فما اجد عندى غير الالم

فإن رأيتم اين دمعى

فأتونى به لاروى الظمأ

يابنى البشر اجيبونى

انا لا اطلب إلا بعض البكا

ولحظه حزن لتعود لى الانا

فقد صرت لا اعرفنى

صرت وحيده دون دمعى

فبالله عليكم ان وجدتم دمعه

تضل الطريق

تريد الرفيق

اخبروها كم انى اريدها

اجعلوها تأتى مسرعه

فدونها يزيد الضيق

خذوا كل شئ

اليكم بعمرى

ونور عينى

ونبض قلبى

اليكم باشلاء فرحى

ولكن اخبرونى

اين دمعى ؟

هناك 20 تعليقًا:

elsha3er يقول...

انا هنا جئت لكى لكى اقول قد ابدعتى

بجد انتى عديتى الروعة فى هذة الكلمات

دمتى مبدعة

احمد الشاعر

dina seliman يقول...

احمد
شكرا ليييك جداا
وربنا يخليك لرأيك

elsha3er يقول...

اية يا ستى هو الابداع خلص ولا اية

انا حسدتك ولا اية

شدى حيلك

احمد الشاعر

صباح الصباح يقول...

صباح الخيرات

جميييل بجد بس معلش عندى كام ملاحظة صغننة يمكن تفيد:

*انا لا اطلب (لو حذفتى انا) هتكون اجمل بكتير

*وانفاسى تجعلنى اختنق (لو بقت وانفاسى تكاد تختنق) المعنى سيقوى جدا

*فدونها يزيد الضيق (البيت دة باحس انة غريب على الشعر الجميل بتاعك يمكن لو شلتية يبقى احسن)

*ولكن اخبرونى (الافضل ولكن خبرونى بدون الالف) سيكون السياق اجمل

دة فى رايى المتواضع ولك كل الود

mohamed ghalia يقول...

اين دمعى ؟
ولماذا البحث عن الدموع
ابحثى عن البسمة
تحياتى

lyssandra يقول...

انا لا اطلب إلا بعض البكا ولحظه حزن لتعود لى الانا فقد صرت لا اعرفنى صرت وحيده دون دمعى

-------------

البكا لا يُطلب يا دينا

البكا رفيق يفرض نفسه حينما يحتاجه الموقف

فإن تخلي عنكِ فلا تبحثي عنه

--------------

تحياتي يا دينا

وحشتيني أوي

خليني أشوفك بقي علشان نتكلم كتير أوي أوي أوي

سلام

lyssandra

قهوة بالفانيليا - شيماء علي يقول...

عاوزة أشكر ليساندرا على أنها حطاكي عندها في قائمة المدونات :)
بجد بجد ..
انا سعيدة او ياني اتعرفت عليكي يا دينا :)
كتاباتك بسيطة مع كم هائل من المشاعر ..
صادقة و بسيطة .. و رقيقة ..
هو دة اللي يوصل للقلب.
سعدت بلقائكِ .
:)

dina seliman يقول...

احمد الشاعر
ربنا يخليك وقريب الجديد هينزل
شكراااااااا لاهتمامك

dina seliman يقول...

صباح الصباح
صباح الخيرات

شكرا جدا ليك على رأيك
بس انا مش دارسه للشعر ولا للبحور
مجرد بكتب اللى حاسه بيه واللى بيطلع من الاحساس صعب يتغير ده من وجهه نظرى
بس ده ميمنعش انى سعيده جدا بنقدك
شكراااا جداااا ليك

dina seliman يقول...

mohamed ghalia

الدمع اصدق
الدمع يريح اكثر منه يؤلم

اما الضحكات فما اكثرها لكن
من القلب صعبه المنال

شكرااا ليك جدا
وانا فعلا بدعى الضحك اهه يمكن الواحد يرتاح

dina seliman يقول...

ليساااااااااااندرا
انا خلاص قلبى وقف
ايه يابنتى الغيبه دى
كفاره يباشا
متتخيليش انتى وحشانى قد ايه
وغيبتك طولت اوووووووى اووووووووووى

وانا كمان الكليه واكله كل وقتى وصحتى
ادعيلى يافمر تعدى على خييير

dina seliman يقول...

شيمووو
ربنا يخليكى ياجميل
انتى متتصوريش فرحتى بتعليقك قد ايه
ربنا يجازيكى كل خير ياقمر

ورأيك بجد فرحنى جدا وسعيده بمعرفتك
ودايما كده ليساندرا كل اللى منها حلو زيها

لماضة يقول...

جميله يا دينا
كلماتك بسيطه وتدخل القلب
انا سعيده اني اتعرفت على مدونتك
ان شاء الله احطها في الريدر واتابع معاكي دايما

dina seliman يقول...

لماااااااضه باشا
ربنا يخليييكى ياقمر
انا الاسعد والله
وسعيده جدا جدا جدا برأيك
ربنا يخليكى ياقمرررررره

Lola يقول...

لا توجد لحظه فى الكون اصعب من ان تهرب منا حتى دموعنا وهى سر راحتنا تغسلنا وتنقينا..وانتى ابدعتى فى الكلام فى الصياغه والإحساس.

كلمات مميزه جدا

لولا

dina seliman يقول...

لولا
ربنا يخلييككى ياجميل
فعلا لحظه هروب الدمع اصعب من ان يتخيلها احد
ازاح الله عنا الهم

وشكرا ليكى مره تانيه ياقمر

Dr Dead يقول...

جميييييييييييييله جدااااااااا

حقا سلمت يداكي التي خطت هذه الكلمات

تقبلي مروري :)

دينا حامد يقول...

الموهوبه دينا
كلامك رائع زي ما اتعودت منك
ده اولا

ثانيا انا شوفت كلامك على الفيس بوك ولاني مش مشتركه فيه احب اقول لك استمري انا بالنسبة لي جملات وفتكات بقوا صديقات وبحب خناقاتهم وغتاتتهم على بعض وهزعل جدا لو وقفتي الحلقات

ثالثا بالنسبة لكلامك على الفيس هو مش تكبر ممكن نسميه غرور:d
بهزر بس هو اكيد ثقة في النفس

طولت عليكي بعتذر
تحياتي

dina seliman يقول...

Dr Dead
ربنا يخلليك
وشكرا جداا لرأيك
وكل سنه وانت طييب وبألف خيير

dina seliman يقول...

دينا حامد
حبيبتى من ايااام مكتووب
والبلوجرز
وفتكات كمان
ربنا يكرمك ياقمر على كلامك ورأيك وتشجيييعك ليا
انتىى وحشااانى جداا فوق ماتتصورى
ووحشانى اعمالك ياقمر
اى كلام مش هيوفييكى حقك
ربنا يخلييكى ليا ياقمر ولا يحرمنى من كلامك ابداا
وطولى براحتك انتى حمايه فتكاتيه ياقمر