كان ياماكان وده كان زمان
كان فى انسان ومش انسان
قال مش قادر خلاص تعبان
جاله كبير العسكر خان
عامل غاغه ليه وقلبان
بتقول ايه سمعنى كمان
كفايه خلاص مفيش كلام
خلى وحوش الغابه تنام
عيش غلبان وموت غلبان
وسط الضلمه اوعى تبان
وبلاش اكون منك زعلان
على الحبل امشى ايوه بهلوان
ولون وشك بكل الالوان
اكتب غنى وارقص كمان
ومتنساش تدعى فى كل ادان
عاش السلطان
هناك 22 تعليقًا:
ماهو هو الغلطان
فاكر نفسه انسان
من حقه يشكو..يصرخ
و يقول تعبان
و صراحة عداه العيب
عداه العيب السلطان
الانسان..اللى مش انسان
عوده انه ما يشكيش
ينضرب و يتسحل
و صوت و اعتراض..مافيش
يبقى بعد ده كله
يصرخ و يقول تعبان
و يفتكر انه انسان
لا لا يا جماعة
عداه العيب السلطان
عاش السلطان
عاش السلطان
هشام
بس محتاجه افكرك
ان كل واحد مسئول عن كلامه
يعنى لو انا اتمسكت مع اول قلم هقول على الكومنت بتاعك
انا بس بقول من دلوقتى
وربنا يستر
هاتعترفي من أول قلم يادودو ؟؟
هههههههههههههههههه
--------------------
أه يابلد
ماهو لازم يرقص من الجوع
ويتلوي من الألم
ويبقي زي البهلوان فعلا
ملون وشه
وتحت الالوان بكا ودموع وصرخه بيرسمها ابتسامه واسعه
بيفكرني بحكاية المهرج اللي شقوله فمه بالسكين علشان يفضل صورته مبتسمه ويضحك البلاط
وفكرني بصوره عندي ع البلوج بتاع وحي الصورة
مهرج بيبكي
بيعزف وبيغني وغصب عنه دمعه هربت من عينه وماقدرش يداريها
تحياتي يا دينا
الكلام ده بيوجع أوي
دمتِ صديقتي المحببه
lyssandra
lyssandra
حبيبتى
تضئ دوما كلماتى
فعلا
ما اكثر بكاء من يضحك كثيرا
ولازم عشان نلاقى لنا مكان نتشقلب ونتعفرت ونتلون بكل الالوان
ونتحول لمجرد بهلوان
بيضحك وقلبه بالحزن ماليان
عاش السلطان
و ابن السلطان
و كمان وياهم ماما سوزان
و احمد بيه نظيف
ملك التزيف
و كمان فيه مين
ابن محى الدين
عمال بيخصخص فينا كمان
عاش السلطان
و فى كل زمان
و يارب يزود فى الطغيان
حقنا اكيد منه حناخده
بس بعد ما ربك ياخده
دا حسابه كبيير
و ذنوبة كتيير
اموال الدنيا ما حتفيده
و النار كده اغلالها فى ايده
يتمنى ساعتها يكون خدام
و الكل ساعتها خلاص حيقول
سقط السلطان ملك الطغيان
ـــــــــــــــــــــــ
جميلة القصيده بتاعتك
انا رديت بحتة تافهه على ادى
عشان اضمن ان العيش و الحلاوة من نصيبى
هههههههههه
تحياتى
اسلام
اسلام
بقه كل دى حته تافهه
ايه الكلام الجامد ده
بس مدام حلفت على العيش والحلاوه
والله مانا كسفاك
الف هنا
ولازلت اكرر كل واحد مسءل عن كلامه
وقد اعذر من انذر
اسلوبك جميل اوى وشيق وانا استمتعت به ممكن تبادل الروابط
memo
شكرا جدا ليك
زيارتك اسعدتنى
دمت بك الود
وعذا انا مش فاهمه ايه موضوع الروابط ده
عذرا لجهلى
دمت بكل الخير
الكلام فكرته حلوة بس شايف أن الأوزان كانت محتاجة شوية تظبيط عشان يبقي الشعر في أحسن صورة
بس برافو وتسلم ايدك
تحياتي
فارس بلا جواد
شكرا ليك ولوجودك جدا
هو ممكن يكون فى تقصير فى الوزن للاعتماد على نهايه موحده مش مقصود بيها توحيد القافيه
لكن هرجع اقلك تانى
الوزن قد يتواجد بطريقه الالقاء
بالتطويل او التوقف فجأه
وفى النهايه انا لا اكتب شعرا
لكن اكتب ما يمليه على القلم
دمت بكل الخير
جميله تسلم ايديك
محمد
شكرا ليك
دمت بكل الخير
بجد يا دينا مش عارف اقولك ايه
اكيد من تعليقاتي السابقة انتي فاهمة انا عايز اقول ايه
انا المفروض اخد التعليقات اللي فاتت كوبي باست واحطهالك هنا
مش هقول اكتر من انك مبدعة بجد
وهايلة لكن اتمني تحلي المشكلة في الاخر
يعني احنا عدد في كشوف المواليد واراجوزات ومنيلين بستين نيلة
في الاخر كده ادي تكة انك مش كده ومش عايزة تبقي كده
ادي تكة قوليلنا نعمل ايه
ادي تكة نخلي عندنا امل
اعملي اي حاجه
حرام عليكي
رغم اختلافي في الجزء الاخير معاكي
الا ان كل يوم بقتنع بيكي جدا وبامن بموهبتك اكتر من الاول
تقبلي مروري وخالص تقديري
امجد
بجد والله مش عارفه اقلك ايه على تعليقك
لانه جه فى وقت بدايه حاله اكتئاب
وشعور بالفشل والكلام الجامد ده
المهم انت عندك حق لازم زى ما بنعرض القضيه والمشكله نقول ان فى امل
لكن انا هنا بحاول ابين العيب بشكل ساخر
والحل بيختلف من انسان للتانى
حسب هو بهلوان فى انهى سيرك
وحقيقى
ربنا يخليك والف شكر ليك
وانا بقالى فتره بروح عندك مش بلاقى جديد
بلاش كسل يلا
وشكرا للمره التريليون
الف شكر
عاش السلطان
عاش السلطان
أى خدمة يادينا
مشينا مع التعليمات أهو بس يارب السلطان لما يعيش يسبنا نعيش احنا كمان
قلب مصرى
مش مهم الكلام المهم الفعل
دهنت وشك الوان
مشيت على الحبل
ضحكت فى عز الاحزان
كده تمام ترضى السلطان
شكرا لزيارتك
وسمعانك الكلام
حلوة اوى بجد
بجد بجد تحفه
blue-wave
شكرا ليك جدا جدا
ودمت بكل الخير
لا وشاطرة بس تكتبيلي اخيرا بوست جديد
فين يا بنتي بوستاتك
انا ملقح هنا لحد متخطي بوست
وادي قعده
امجد
انت بتردهالى
طب انت كان بقالك سنه منزلتش بوست
ان يدوب اسبوع
وان شاء الله مش هتستنى كتير
وهنزل الجديد
وساعتها هعرف اخد تارى
شكرااا جدا لسؤالك
عاش السلطان
عاش السلطان
قول معايا لتلاقى قفاك بقى طريق سريع
عاش السلطان عاش السلطان
قول ياعم ده ايدهم تقيله بشكل
اسأل مجرب اصلى صحفى
عاش السلطان ها قول عاش السلطان
تحيــــــــاتى
المصــــــــــرى
المصرى
ياه كل ده
ماتقول بقه مدام فيها ضرب
عاش السلطان ومات الجبان
شكرا لك وجودك
دمت بكل الخير
إرسال تعليق