مين على الباب
انا المريب الخطير الرهيب
والمفروض بقه انى اخاف
يابنتى لازم تخافى انا العفريت
يابنى انجز عايز ايه
انتى مش بتخافى ليه ؟؟
ده انا العفريت ابن ملك الجان
تشرفنا اصل عاوزه انام
قعد يعمل حركات ويطلع اصوات
وفجأه انهار بالعياط
مالك بتعيط ليه
مبقتش اخوف لانس ولاجان
وانا اكل عيشى اعمل قلبان
تخوف مين ياغلبان
انت مش عارف احنا سنه كام
احنا القرن الواحد والعشرين
يعنى مالكش عندنا مكان
انا العفريت افهمى
لا ده كان زمان
ليه يعنى خلاص الكل شجعان
ولا اتملى قلبكم بالايمان
انت شكلك مزرتش بلاد الافغان
طب مريت على الصومال
زرت العراق سمعت عن ايران
طب سوريا ولا حتى لبنان
واكيد متعرفش غزه و الجولان
ولا سمعت عن مجاعه السودان
كفايه ولا اقول كمان ؟؟
ياعفريت استنى رايح فين !!
شكلك هتهرب انت كمان ؟!
هناك 32 تعليقًا:
يا لهي .. لكم اصبحت المنافسة صعبة امام العفاريت في زمن العجائب
very nice
Unique
ما اكثر العفاريت
وما اجبنهم
شكرا عزيزتى
دمتى بكل الود
الله
معنى رائع بجد
فعلا
معدش للعفاريت مكان فى كل اللى بيحصل دا
راحت عليهم
blue-wave
شكرا ليك جدا
ودمت بكل الود
سبحان مين بيصبرنا
ههههههه حتى العفاريت بتهرب علشان سمعت عن اللى بيحصل
ههههه
تحياتى
علاء
علاء
فعلا صبحان من صبرنا
شكرا لك تواجدك
ودمت بكل الخير
حتى العفاريت خافت من واقعنا ومن أحوالنا فهربت ورغم ذلك فنحن محلك سر ولانحاول تغير هذا الواقع المؤلم.
صياغتك للقصيدة متميزة
سعيد بمرورى الأول على مدونتك وأرجو أن تقبلينى ضيفاً دائماً عليها.
قلب مصرى
انا الاسعد بتواجدك وكلماتك التى كم اسعدتنى
ويشرفنى وجودك بالمدونه دائما
دمت بكل الخير
مبقاش في حد بيخاف
من العفاريت في الزمن ده
لان في اللي يخوف اكتر
ربنا معاكوا ياعفاريت
و حاولوا ميجلكمش اكتاب
علشان محدش بقى بيخاف منكوا
تحياتي
حقاً لقد أصبح ظهور العفاريت لبشر أمراً مثيراً للشفقة لا للرعب ، وكما يقول المثل العامي : "ما عفريت إلا بوش" اقصد "بني آدم".
تقبلي مروري.
عزيزى هيثم مكارم
ومن قال لك أن بوش بنى آدم
عاشقه الحب
سعيده بمرورك وتواصلك
دمت بكل الود حبيبتى
هيثم
فعلا لو ظهر العفريت للبنى ادم
وبس طلب منه يقف فى طابور العيش
يبقى عليه العوض فيكى يعفاريت
قلب مصرى
صدقت فبوش لا يرتقى لمراتب البشر
دينا صاحبتي
ايه يا جميل الكلام الجامد ده دخلتي في مواضيع جديده بقوة وتركيز وبتتفوقي على نفسك كل مرة وكل مرة بتفاجئيني بحاجات احلى
ربنا يوفقك
اه انا انشاء الله حكون في اسكنريه قريب مش عارفه حقدر اشوفك ولا لا بس نفسي اشوفك والله
همسه
حبيببتى احلى واجمل همسه
شكرا ليكى ياحلى صاحبه
ربنا يخليكى ليا لاايك دايما بيسعدنى
وان شاء الله تنورى اسكندريه ياقمر
هلا دينا
ايه يابنتي الغيبة دي ؟؟
حتي زياراتك قلت
وماعدتيش بتسيبي خبر ان في بوست جديد
انا جيت بالصدفة
وبعدين انتي زعلتي العفريت اللي مش بيخوف حد دلوقتي
وبقيتي بتعملي زيه وبتختفي
اظهري وباني عليكي الأغاني
ههههههه
مستنياكي يا قمر
lyssandra
lyssandra
حبيب قلبى
امال لو مكنتيش عارفه ان النت عندى بعافيه شويتين تلاته عشره
دانتى اكتر واحده المفروض تعذرينى
بس بجد نورتينى
ووجودك بيفرحنى دايما
شكرا ليكى ياقمر
هههههههه
كده تخلى العفريت يفقد ثقته بنفسه
طب هيعنل ايه بعد كده
كده مستقبله ضاع خلاص و مش هيعرف ياكل عيش
حقيقى يا جدعان
و لاد ادم ماخلوش لولاد العفاريت حاجة
و ما عفريت الا بنى ادم
تحياتى
هش
hesham
اولا شكرا لوجودك
وبعدين ده عفريت خيبان
فين ايام عفايتك ياشبيك لبيك
امال لو كنت قلتله على مصر وازمه الغلاء والثانويه العامه والحديد والعيش والمايه والكهربا والهوا
كان عمل ايه
غعلا احنا فى زمن مفيش للعفاريت مكان
جميل جدا جدا
بجد عمل ادبى رائع
بس تصدقى اول مرة اخد بالى ان الانسان بقى وحش اوى كدة
فعلا اعتقد الشياطين دولت بيتعلمو مننا
تحياتى
احمد
Ahmed Al-Sabbagh
شكرا ليك جدا جدا
فعلا الشيطان بقى بيتعلم منا
والعفاريت تهرب من افعالنا
لنا الله
ودمت بكل الخير
رائع بجد يا دينا
العفريت معدش ليه مكن وسط النيلة اللي احنا فيها
افتكر قرات لكاتب شبابي مش فاكر مين عن حاجه شبة كده بس كان الشيطان بقي وكان زعلان اوي انو معدش بيعرف يغوي الانسان والانسان هو اللي بقي بيشتغلو
وفكرتيني بقصة فرعون المشهورة جدا رغم عدم تاكدي منها
لما دخل الحمام لقي الشيطان متجسد في هيئة انسان بيقولو انت ازاي تتجرا وتدخل هنا انت مين (علي انو انسان)قاله انا ابليس
رد فرعون وقاله اانت من تقول للناس لا تعبدو الله واتبعوني
قاله اذا كنت فعلت انا ذلك فانت قلت لهم انا ربكم الاعلي (يعني استاذه)
اسف جدا للتطويل وبجد زيارتك اسعدتني جدا واتمني نتواصل علي طول
Amgad
شكراليك
زسارتك اسعدتنى
فعلا احنا غلبنا العفاريت والشياطين
حتى الناس البسيطه قلوبها اتحجرت
بقه عادى لو قلتله فى بيت ولا عماره وقعت
وطبيعى لو حكتله عن اتوبيس اتقلب
مبقناش نستغرب خلاص
لنا الله
لا لازم اضحك
هههههههههه
اصل دا حال
يتقال عليه
هم يـــبكى
و هم يـضحك
جااااااامد
جداااااااا
تحياتى لكـى
انـــتى مـن
اسكنــدرية
بلديـــاتى
eslam
:)
قريتها الصبح
ولسه قاريها تاني دلوقتي
حتى العفاريت غلابة في الزمن ده
دمها خفيف وفكرتها حلوة
مواطن مصرى نايم
اسلام
شكرا ليك وجودك وزيارتك
انا من اسكندريه فعلا
حلو يعنى طلعنا بلديات
مشفتش العفريت راح فين بعد مهرب منى
لو شفته ابقى هديه بكلمتين
احمد سلامه
شكرا ليك ده شرف ليا تقراها صبح وبليل زى الانتيبايوتيك
شكرا جدا لرايك ومرورك
الله عليكى بجد
البوست رائع فعلا
عفاريت ايه دلوقتى
ما عفريت الا بنى ادم هههههههههه
عجبنى البوست اوى
مرسى جدا
امل
الله عليكى انتى
ربنا يخليكى ياقمر
فعلا احنا اللى رعبنا العفاريت
نياهااااااااااا
هههههه حلوة اوى بجد ما عفريت الا بنى ادم بس النتعبير عنو حلو اوى بجد
PrInCeSS BeRy
شكرا جداجدااااااا
والحمد لله انها عجبتك
إرسال تعليق