فوبيا مهند

ايوه بتكلم عنه هو فيه غيره
مسلسل نور لعنه البيوت العربيه

فلا تتعجب اذا قررت ان تقوم بعمل استفتاء عن سر حالات الطلاق حديثا
فتجد ان السبب الرئيسى فى معظم الحالات هو مهند
ايوه مهند هو فى غيره
وده طبعا كان اهم دافع خلى مفتى السعوديه يحرم مشاهدته

يعنى الناس قدرت تتعايش مع الغلاء
وتتحايل على سوء الحال
وتدبرها باليمين والشمال عشان تحافظ على استقرار بيتها
واللى يعوذه البيت يحرم على الجامع
وعديها علشان المركب تمشى
وانا مستحمله بس عشان اربى العيال
راحوا فين العيال لما يلاقوا الحاجه بتتطلق علشان الحاج مش شبه مهند

******************
مهند هذا الثرى الوسيم
اللى مكنش فتى احلام البنات بس
لا والستات و الجدات الاحياء منهم و الاموات

(عشان تصدقونى لما اقولكم لعنه)

**********************
وبتحليل يسيط نجد ان مسلسل نور
قدم صوره مثاليه للبطل الوسيم صاحب المال
عاشق نور التى هى اقل منه جمالا وبالرغم من هذا كان بها مغرما

(ومش عاوزين البنات تتهبل )

وبعد ان يشحن الجنس اللطيف
ولمده تزيد عن 150 حلقه بهذا الكم من المثاليات


تبدأ عمليه مقارنه لهذا الذى لايشبه مهند ولن يشبهه بأى حال من الاحوال
(الحلو حلو برضه)
وطبعا عشان منقلش البنات تافهه (بصراحه يستاهلوا يتقال عليهم كده )
الاعجاب بمهند ليس لشكله فقط
(والله مافيه ريحه الوسامه...سامحنى يارب ... هو عادى يعنى.. ده حسين فهمى برقبته )


عموما هذا مسلسل بالرغم مما فعله من ضجه كبيره ومساوئ لاتغفر له نجاحه
الا انه قد كشف لنا حقيقه وغير فى معايير اختيارات البعض منا
واخيرا انتهى المسلسل مع وعود مصريه بعرضه على القنوات الارضيه
بس مش مهم المهم انه خلص ولكن وكما قال الشاعر
يافرحه ماتمت

فتأتى الطامه الكبرى
مهند فى مصر وبحمله اعلانات
زى اعلان السيراميك ده اللى لو جابولى عقل على عقلى
عمرى ما هخمن ان ده اعلان سيراميك
الدنيا ضلمه كحل
ومفيش سيراميكيايه واحده تقول انا اهه
اينعم خدله فى الشغلانه دى 3 مليون
مهو مهند برضه مش اى كلام
وده طبعا غير كم الاعلانات التانيه من عطور لسيجنال تو
وان شالله محد حوش

وده طبعا عمل اثاره وشغب ولخبطه جامده
ومظاهرات ومشاحانات ازاى مهند ينزل مصر يعمل اعلانات ونوور لاء
بقه ده اسمه كلام

وفى اقتراحات برلمانيه تشيد بالاخ مهند يعمل اعلان ترشيد استهلاك المياه
والمحافظه على مدرستى نظيفه جميله متطوره
مدام الاخ مهند بقه ليه كلمه وواصل كده
بركاتك يا مهند


من الاخر مهند انتشر فى العالم العربى كانتشار النار فى الهشيم

وبصرف النظر عن كل اللى قولناه
الا انه فعلا هذا الوضع ابكانى على حال هذه الامه
اللى كل مدى ماتثبتلنا ان التفاهه العامه اصبحت هى الاكثر انتشارا
بجد ربنا يرحمنا برحمته
ولا يغير الله مابقوم حتى يغيروا ما بانفسهم
ولنا الله

*********************************

شئ ما

شئ ما يدفعنى لاكتب سطرى هذا

شئ ما يؤلمنى ولا ادرى لماذا

اجل انه نبض بقلبى

لا لشخص ولا لشئ

انه نبض يزيد

ولا ادرى له طبيب

انه الشوق ياقلبى

انه العشق لاتنفى

اريد انا اصرخ عاليا

اقولها بكل مابداخلى

فلتخرج اقوى مما ينبغى

تندفع و تحلق الى حيث المنتهى

فهل حقا هو الشوق

ام انه الشعور بالخوف

كان ياماكان

كان ياماكان وده كان زمان

كان فى انسان ومش انسان

قال مش قادر خلاص تعبان

جاله كبير العسكر خان

عامل غاغه ليه وقلبان

بتقول ايه سمعنى كمان

كفايه خلاص مفيش كلام

خلى وحوش الغابه تنام

عيش غلبان وموت غلبان

وسط الضلمه اوعى تبان

وبلاش اكون منك زعلان

على الحبل امشى ايوه بهلوان

ولون وشك بكل الالوان

اكتب غنى وارقص كمان

ومتنساش تدعى فى كل ادان

عاش السلطان
عاش السلطان

انا المواطن انسان

انا المواطن انسان
مجرد عدد فى كشوف المواليد
مجرد رقم من ارقام الملايين
وقريبا سألتحق بسجل الوفيات
انا بلا فخر لايوجد منى فائده
لا افعل شئ ويفعلون بى الكثير
لا اقول قولا الا وضده اسير
ما ذا سيحدث ان مت غدا
لن تتوقف الدنيا حزنا
ولن يحضر عزائى احد
قد يبكى بعض الاهل قليلا
لاحزنا بل رغبه فى البكاء
لانهم جميعا هذا الانسان

عندما هرب العفريت

مين على الباب
انا المريب الخطير الرهيب
والمفروض بقه انى اخاف
يابنتى لازم تخافى انا العفريت
يابنى انجز عايز ايه
انتى مش بتخافى ليه ؟؟
ده انا العفريت ابن ملك الجان
تشرفنا اصل عاوزه انام
قعد يعمل حركات ويطلع اصوات
وفجأه انهار بالعياط
مالك بتعيط ليه
مبقتش اخوف لانس ولاجان
وانا اكل عيشى اعمل قلبان
تخوف مين ياغلبان
انت مش عارف احنا سنه كام
احنا القرن الواحد والعشرين
يعنى مالكش عندنا مكان
انا العفريت افهمى
لا ده كان زمان
ليه يعنى خلاص الكل شجعان
ولا اتملى قلبكم بالايمان
انت شكلك مزرتش بلاد الافغان
طب مريت على الصومال
زرت العراق سمعت عن ايران
طب سوريا ولا حتى لبنان
واكيد متعرفش غزه و الجولان
ولا سمعت عن مجاعه السودان
كفايه ولا اقول كمان ؟؟
ياعفريت استنى رايح فين !!
شكلك هتهرب انت كمان ؟!

كنت اهواك

اراك تغيب تبدأ فى التلاشى
يمحيك الزمان كما تمحيك زكرياتى
اراك لا بل لا اراك
لقد عدت الى حيث الانتهاء
انهيتك من دفاتر احلامى
ومسحت وجودك بدمع نسيانى
اخطأت حين رسمت الحب طريقا
فسرت عليه وخذلنى الرفيق
وعدت حطاما لا احمل نفسى
فلما نسيان الحب مرير

اين انت ؟؟

من بين جموع الكلمات

اخترت وصغت العبارات

ووضعت حروف ونقاط

قلت القصائد ابيات

سمعت منك وما سئمت

سمعت ولغيرك ما طربت

فلما الان ارى الصمت

لما عنى قد غبت

لما يا كل ما احببت

انتظر منك عوده

انتظر حتى الموت

ولكنى اخشى ان

تعود ولست انت